志雲迷阿Lam貼身狂影

無綫總經理陳志雲（ Stephen）前晚突然現身《勁歌金曲》錄影現場，原來當晚嘉賓之一林子祥（ Lam）是他的偶像。 Stephen前晚化身為小 fans，不停用相機拍照，又跟出跟入，他更表示會買飛支持阿 Lam的演唱會。

林子祥、陳奕迅（ Eason）、張敬軒等前晚到無綫電視廣播城錄影《勁歌金曲》，身為阿 Lam歌迷的陳志雲亦現身支持偶像。現場所見 Stephen不時用相機拍照，他又跟着阿 Lam出出入入，最後還趁機拍合照，其行徑儼如一位小 fans， Stephen說：「我都有問佢開幾多場演唱會，我一定會睇晒咁多場，佢嘅騷真係好睇到不得了。

軒仔認講嘢冇腦

阿 Lam表示本周會開始綵排演唱會，服飾方面則以簡單的款式為主。阿Lam又指與軒仔合唱的《相對論》大受好評，他十分期望演唱會上的演出。另外，有份擔任阿 Lam演唱會嘉賓的軒仔透露曾於對方面前講錯說話，他說：「阿 Lam話第一個演唱會喺 83年，我即時話自己當時得兩歲，之後全場靜晒，不過佢好大方，我以後講嘢真係要經大腦。」 Eason被問到男星召妓一事，他指不會作回應，問他為何收口？他說：「我成日禍從口出，所以小心啲。」

採訪、攝影：王連連